ENGLISH BELOW
Allt starf leikskólans felur í sér viðamikið og samþætt nám, hvort sem það eru daglegar venjur, svo sem matartímar og klósettferðir, eða markvisst starf skipulagt af kennurum. Börn uppgötva og læra af öllu sem þau taka sér fyrir hendur bæði í leik sem og daglegu starf inni og úti, með stuðningi og hvatningu hinna fullorðnu og í samvinnu við önnur börn.
Samkvæmt Aðalnámskrá leikskóla (2011) eru námssvið leikskóla þessi:
- Læsi og samskipti
- Heilbrigði og vellíðan
- Sjálfbærni og vísindi
- Sköpun og menning
Daglegt starf mótast af þessum námssviðum, en í hverri stund dagsins tvinnast saman mörg námssvið í heilstætt nám.
Á hverjum degi er lagt upp úr að börnin hafi góðan tíma fyrir frjálsan leik, bæði inni og úti. Öll börn fara í hverri viku í tíma í a.m.k, samverustund, kubbaleikur, myndlist/sköpun og íþróttum. Þessa tíma eru þau í litlum hópum undir faglegri handleiðslu. Að auki fara börnin reglulega í vettvangsferðir í nærsamfélaginu, en nærumhverfi leikskólans býður upp á ótal skemmtilegar gönguleiðir.
Leikskólinn fylgir ákveðnu dagskipulagi sem þó er sveigjanlegt, það er sniðið að þörfum barnanna, þroska þeirra og aldri. Á öllum deildum er dagskipulagið sjónrænt. Dagskipulagið og ákveðnar tímasetningar gefa starfinu ákveðna festu og veita hverju barni öryggi.
ENGLISH
- Literacy and communication
- Health and well-being
- Sustainability and science
- Creativity and culture
The preschool follows a specific classroom schedule, which is flexible, it is tailored to the needs of the children, their development and age. In all classrooms, the daily schedule is visual. The schedule and specific timing of events give the day a certain structure and provide each child with security.
